‘धैंथियां’ चमुखा संग्रैह् च ‘डुग्गर ते डोगरी दा गुहाड़’

Abstract

माह्नू जित्थै रौंह्दा, पलदा मठोंदा ऐ, उत्थूं दी हर चीजै कन्नै ओह्दा लगाऽ स्भावक गै ऐ ते जेकर ओह् थाह्र ‘डुग्गर’ होए ते ओह् माह्नू ‘पद्मा सचदेव’ होर होन तां एह् हिरख ते दिवनागी केईं ज्हार गुणा मती बधी जाह्ग। पद्मा हुंदा डुग्गर ते डोगरें कन्नै बड़ा गै गूढ़ा हिरख ऐ ते उंदे इस गूढ़े हिरखै पिच्छै इक खास कारण एह् बी होई सकदा ऐ जे जि’यां अकसर गलाया जंदा ऐ जे दूरी हिरखै गी होर मजबूत ते गूढ़ा बनांदी ऐ इ’यां गै पद्मा हुंदी अपने इलाके थमां दूरी गै इस अनसम्भ हिरखै दा बड़ा बड्डा कारण होए। खैर कारण भाएं किष बी होए पर एह् गल्ल पक्क ऐ जे पद्मा होर भाएं कुतै बी रेहियां होन पर ओह् अपनी भाषा, अपने थ्हार ते उत्थूं दे बसनीकें गी कदें भुल्ली नेईं सकियां, जिसदे सबूत उंदियें पोथियें च साफ झलकदे न। पद्मा होरें अजें तोड़़ी 10 कविता संग्रैह्, 2 चमुखे संग्रैह् (धैंथियां’ ते ‘रŸिायां’), 1 उपन्यास (इक ही सुग्गी), आत्मकथा (चिŸा चेत्ते) बगैर उत्कृष्ट कृतियां डोगरी साहित्य गी भेंट कीती दियां न।